State of Emergency sa ciudad, magpabilin; samtang COCPO miklaro nga wala sila’y gahom sa pagpugong sa COBI !
GIKLARO ni City Mayor Rolando “Klarex” Uy nga magpabilin ang State of Emergency sa ciudad!
Tungod sa nagpadayong problema sa panubig sa dakbayan.
Matud ni Mayor Uy nga nagpabiling ang hulga sa kahusay ug kalinaw.
“..padayon gihapon hangtod nga dili mabalik sa normal, magpadayon ngano man kay naa pa man diha ang hulga. Labi na ang hulga sa atong kahusay ug kalinaw kay di ko gusto nga ang dakbayan mag gubot tungod sa problema sa tubig..”
Mayor Rolando “Klarex” Uy
Samtang, giklaro ni COCPO Spokesperson Police Lieutenant Col. Evan Viñas nga dili nila hurisdiksyon ang sulod sa Rio Verde nga nahimutang sa Pualas.
Hinungdan nga wala sila’y gahom sa pagpugong sa COBI.
“…pagpahigayon natog police presence, police visibility sa area sa Taguanao nga diin ang property sa Rio Verde. Padayon ang Cagayan de Oro City Police Office sa paghatag og police presence ug police visibility diha sa maong area. Kanang giingon nila nga Pualas out of Jurisdiction dili na atong area of responsibility so ang concentration nato diri lamang sa atong area of coverage sa Barangay Indahag, Taguanao ug Crossing sa Taguanao ug Lumbia ug diri sa Masterson Avenue..”
COCPO Spokesperson Police Lieutenant Col. Evan Viñas
SOURCE:CIO
Photo: SR files
