School year 2024-2025 girekomendar sa DepEd nga tapuson sa Marso!
GIREKOMENDAR sa Department of Education kon DepEd kang President Ferdinand Marcos Jr., ang pagpatuman sa mas mubo’ng school year sunod tuig!
Aron mapadali ang pagbalik sa old school calendar sa nasud o June-March school calendar.
Matud ni DepEd Assistant Secretary Francis Cesar Bringas, nagsumiter sila og sulat sa office of the President nga nagtinguha’ng kunhoran og duha ka bulan ang School Year 2024-2025 aron matapos sa Marso 2025 ug mabalik ang kanhing school break nga Abril ug Mayo.
Gidugang sa opisyal nga posible’ng magbaton og school work ang mga bata sa Sabado tungod makunhoran ang adlaw sa in-person classes samtang apektado ang school break sa mga magtutudlo ug vacation pay.
Samtang, giklaro ni Asec. Bringas nga dili sakop sa nahisgutang sugyot ang mga pribadong tunghaan sa nasud.
SOURCE: PHILSTAR
Photo:GMA Network
