Pagpangatake sa Russia sa Odesa City, lima ka individual patay!
PATAY ang lima ka individual ug kapi’g 30 samaran sa Russian missiles attack sa Black Sea port sa Odesa City!
Lakip sa samaran ang duha ka bata ug mabdus.
Dul’ag 20 ka residential buildings ug infrastructure facilities ang nadamyos sa pagpangatake.
Makita sa video footage nga gipagawas sa Office of Ukraine Prosecutor General, dosena ka bomblets ang miboto sulod sa mga segundo sa usa’g-usa sa usa ka lugar nga duol sa baybayon.
Nagpakita ang ubang mga video ug hulagway sa kalayo nga milamoy sa cone-shaped towers ug roof sa educational institution nga nailang “Harry Potter castle” tungod sa resemblance sa Scottish baronial pile.
Gituohan sa Ukrainian authorities nga migamit ang Russia og Iskander ballistic missile ug cluster munitions alang sa pag-atake.
SOURCE: CNN NEWS
Photo:Euronews.com
