Pagbalik sa old academic calendar sunod school year, gi-welcome sa City School Division Office!

GI-WELCOME sa City School Division ang pag-aprobar ni President Ferdinand Marcos Jr, sa pagbalik sa old school academic calendar sa sunod sa school year!
Diin magsugod ang klase sa 2024-2025 School year sa July 29 ug matapos sa April 15, 2025.
Matud ni City School Division Assistant Superintendent Dr. Audie Borres nga gitubag sa Presidente ang dugay nang yangongo sa mga ginikanan nunot sa nasinati-ang grabe’ng kainit sa panahon.

“…taud-taud naman pud na nga mulo lage sa atong katilingban nagpadayag pud sa ilang concern gyud sa health sa atong mga bata, mao man pud kana ang tahas sa DepEd gyud, mao nang ang DepEd naminaw mi ana dayon karon pud ang atong Presidente na gyud mismo nga atong i-adjust ang atong school year, hinay-hinay ta balik sa atong naandan…”
City School Division Assistant Superintendent Dr. Audie Borres.

Hisayran nga gi-presentar ni Vice President ug DepEd Secretary Sara Duterte kang President Marcos Jr., ang duha ka options aron sa pagbalik sa old school calendar.
Usa sa options ang posibilidad nga magklase sa adlawng Sabado aron makumpleto ang 180-day school calendar apan wala kini gi-aprobahan sa Presidente.
Ikaduhang options, ang pagpamubo sa ihap sa school days ngadto sa 165 days apan nangatarongan ang Presidente nga mubo kini nga panahon alang sa mga tinun-an ug makompromiso ang ilang learning outcomes.
Matud ni President Marcos Jr., nga lugwayan na lamang ang school days, ina’y ma-interrupt ang mga bata sa adlawng Sabado.

SOURCE: SBPSH
Photo Source: EDUCATIONWORLD