Operasyon sa COWD karong adlawa, normal; Manager ug Interim Manager mi-duty sa opisina!

NORMAL ang operasyon sa Cagayan de Oro Water District karong adlawa!
Bisan duha ka manager ang nag duty sa buhatan.
Mi-duty si COWD Manager Engr. Antonio Young human hugot nga gibarugan nga dili kini mokanaog sa katungdanan.
Matud ni Engr. Young nga dili mabalda ang operasyon sa buhatan, gani nag-isyu kini og Memorandum sa mga empleyado subay sa board dissolution nga gipagawas sa Board of Directors nga dili i-recognize ang mga interim nga gitudlo sa LWUA.

“…dili man maapekhan noh kay kita man gihapon ang ga-operate dinhi karon sa Water district aduna man kitay gi-issue sa atong mga employees pinaagi sa Board Resolution nga gipagawas sa atong Board of Directors nga dili lage sila i-recognize kay questionable man siya…”

Giklaro usab niini nga wala’y nahitabong smooth transition tali sa iyang buhatan ug sa Interim Manager.

“…wala man mi nag transition kay wala man namo sila gi-acknowledge ang ilang pag take-over, naa siguroy smooth nga pag recieve sailaha kagahapon, walay resistance amo silang gidawat kay mga civilize man kita nga mga tao, mga edukado amo silang gi-storya didto sa board room ug amo silang gipasabot nga dili gyud namo ma acknowledge kato…”
COWD Manager Engr. Antonio Young.

Samtang, miduty usab si COWD Interim Manager Fermin Jarales!
Human gitudlo sa Local Water Utilities Administration kon LWUA nga maoy magdumala sa water district sulod sa 6 ka bulan.
Matud ni COWD Interim Manager Jarales nga maayo ang ilang kahimtang karon kauban ang tulo ka abogado sa LWUA ug staff.
Pagklaro usab niini, nga ilang ipatuman ang lawful order gikan sa LWUA ug sulbaron ang problema sa panubig sa dakbayan.
Nasabtan usab niini ang wala pag-acknowledge kanila sa COWD.

“…nasabtan ko nga naay position sila ni Engr. Young ang atong gina plastar is trabaho lang ta, so walay problema sa amo and I don’t think there’s a problem sa ila…”
COWD Interim Manager Jarales.

SOURCE: SHV
Photo Source: MINDANAO GOLD STAR