Motorsiklista nga mibangga sa poultry truck sa barangay Lumbia ning ciudad, patay!

DEAD on arrival ang usa ka motorsiklista sa Sitio Crossing Bae, Barangay Lumbia ning ciudad!
Human mibangga- sa poultry truck sa lugar.
Biktima giilang si Arnel Medalle, 35-anyos ug residente sa Sitio San Isidro, sa nahisgutang barangay samtang giila ang driver sa poultry truck nga si Sonny Jalagat, 27-anyos ug molupyo sa Lunocan, Manolo Fortich Bukidnon.
Base sa inisyal nga imbestigasyon, nagparking ang poultry truck sa lugar tungod sa malfunction sa airlock, migamit kini og early warning devices apan kalit lamang mibangga sa likod nga bahin sa truck ang motorsiklo.
Naka-angkon kini og serious injury ug gilayong gidala sa balay-tambalanan apan gideklarar nga dead on arrival sa attending physician tungod sa brain herniation syndrome.
Gibutyag nga giingong lango sa ilimnong makahubog ang biktima tungod gikan kini sa discohan sa Baungon, Bukidnon.
Matud ni Cagayan de Oro City Police Office –Traffic Enforcement Unit kon COCPO-TEU Investigator On-case Police Executive Master Sergeant Norberto Libres nga wala pa’y kasabotan tali sa pamilya sa biktima ug driver sa poultry truck nga kasamtangang ana-a sa kustodiya sa Lumbia Police Station.

“..ang hinungdan daw kuno sa iyang kamatayon kay brain herniation syndrome. Kining driver anaa karon sa Lumbia police station. Siguro kining driver sa isuzu ma filan og reckless imprudence resulting homicide pero korte nay bahala kay ang nahitabo man gyud parking raman pud kay na daotan ni iyang sakyanan. Ang kining driver wala naka helmet kay gikan kuno daw ni siya matod pa sa iyang mga kauban gikan daw sila nang disco sa may Baungon,Bukidnon, base sa storya pud sa iyang kauban na maoy na interview naka inom daw…”
Cagayan de Oro City Police Office –Traffic Enforcement Unit kon COCPO-TEU Investigator On-case Police Executive Master Sergeant Norberto Libres

SOURCE: P.I/#8
Photo: GMAPS