LWUA, idumala ang COWD human sa kamandoan ni President Marcos Jr.!
ARPOBADO sa Local Water Utilities Administration kon LWUA Board of Trustees ang kamandoan ni President Ferdinand Marcos Jr., nga idumala ang Cagayan de Oro Water District kon COWD!
Atol sa ika-1009 nga Board meeting karung adlawa.
Ubos sa pagdumala, kinahanglang ang LWUA administrator ang mag-appoint og Interim Board Members ug Interim General Manager.
Kinahanglang i-perform sa LWUA ang mosunod nga lakang.
Una ang pagdeterminar sa short-term ug long term solutions sa water supply situation sa ciudad lakip ang implementasyon sa viable non-revenue water kon NRW program.
Ikaduha ang pag-operate sa tibuok facilities, system o properties sa COWD sa epektibong manner consistent nga adunay sound legal, administrative, ug financial practices.
Pagtubag sa bisan unsang kakulian o problema sa COWD ug obligasyon ngadto sa LWUA sa suppliers ug consumers.
Pagpatuman sa tanang measures nga motubag sa tanang violations ug hinungdan sa default.
Samtang, giklaro sa COWD nga wala sila’y nadawat nga opisyal nga komunikasyon kabahin sa pagdumala sa LWUA sa buhatan.
Matud ni COWD board of director Gerry Caño nga dili niini makumpirmar o ma-deny ang maong taho.
“…wala man tay nadawat nga opisyal nga communication niana nga butang, I cannot confirm or deny ana nga butang kay wala may opisyal nga communication nga niabot sa atong buhatan sa COWD…”
COWD Board of Director Gerry Caño.
SOURCE: SBPSH
Photo Source: COWD
