Giingong wala’y kapas nga pagsupply sa COBI og bulk water sa ciudad, buot imbestigaran ni Councilor Judith; samtang COBI gitubag ang alegasyon!

BUOT pa-imbestigaran ni Councilor Atty. James Judith ll ang Cagayan de Oro Bulk Water Incorporated kon COBI!
Human sa special report nga wala’y kapas ang COBI sa pagsupply og Bulk water sa ciudad tungod wala kini water treatment facilities, nga usa sa standard treatment sa tanang bulk water supplier sa tibuok kalibotan.
Matud ni Councilor Judith ll nga adunay water treatment facilities ang COBI kaniadto apan nabanlas kini niadtong 2018 tungod sa paghapak sa kusog nga bagyo.
Hangtod karun wala natul-id sa COBI ang nahisgutang water treatment facilities.
Nagpasabot nga hugaw ang tubig nga ga-agas sa matag household ning ciudad.

“…base sa kalagdaan ni COBI ug Water District, walay kapas si COBI nga mahimong bulk water supplier kay wala man diay siyay filtration o water treatment plant nga mao na ang standard requirement sa tanan bullk water supplier sa tibuok kalibutan.. walay refractive water quality monitoring index si COBI buot pasabot diay nga gikan sa tinubdan sa tubig ni Cobi nga iyang ipasa didto sa metric ug valve ni Water District ug gikan sa metric ug valve ni Water District mao pod ipang apod apod sa kabalayan sa atong konsumedor ni Water District wala diay kasiguruduhan kung unsa ka limpyo or luwas sa kadaut ang atong katawhan nga moinom og tubig…”
Councilor Atty. James Judith ll

Samtang, gitubag ni COBI Senior Legal Counsel Atty. Roberto Rodrigo ang alegasyon ni Councilor Judith nga dili hinlo ang bulk water nga gisupply sa kompanya sa ciudad.
Matud ni Atty. Rodrigo nga gisiguro sa COBI nga hinlo ang i-supply nga tubig sa katawhan sa CDO.

SOURCE: CDEO CITY COUNCIL
Photo: sr files