Barangay Ginebra, nanginahanglan og usa ka daog aron hingpit nga ma-angkon ang PBA Philippine Cup finals slot!
NANGINAHANGLAN na lamang og usa ka daog ang Barangay Ginebra aron ma-angkon ang PBA Philippine cup finals slot!
Human gipildi ang Meralco Bolts sa score nga 89-84 sa semi-finals.
Nanguna ang Bolts sa 57-44 sa 7 minutes ug 01 second sa third quarter sa dula.
Mipabuhagay og 10-0 run ang Ginebra aron maputol ang deficit sa nabiling 4 minutes ug 13 seconds
Sa katapusang bahin sa third period, duha na lamang ang labaw sa Meralco.
Subling milabaw ang Meralco sa 8 minutes ug 1 seconds sa 4th quarter apan nabawi sa Ginbera ang lead human mibalos og 9-0 run.
Nagtabla sa 82 ang duha ka koponan sa nabiling 4 minutes ug 24 seconds apan ang floater ug triple ni Japeth Aguilar ug Scottie Thompson ang nagkontrolar sa dula hangtod sa final buzzer.
Hisayran nga gipanguluhan ni Christian Standhardinger ang scoring sa 34 points, 10 rebounds, 5 assists.
Inabagan nilang Maverick Ahanmisi 13 points, ug Japeth Aguilar sa 10 points.
SOURCE: GMA NEWS
Photo:GMA Network
