Balor 2 million pesos nga kantidad sa alahas sa Barangay Puerto ning ciudad, gitulis sa riding-in tandem!
GITULIS sa duha ka armado’ng individual ang usa ka negosyante sa alahas sa Purok 6, Barangay Puerto!
Gibana-banang balor 2-million pesos nga mga alahas ang nadagit sa mga suspetsado.
Base sa inisyal nga imbestigasyon nga sakay sa sakyanan gikan ang mga biktima sa sentro’ng bahin ning ciudad ug pag-abot sa nahitaboan mihunong sila aron mangihi.
Apan kalit lamang sila sa giduolan sa mga suspek nga sakay sa motorsiklo.
Matud ni Police Station 6 Puerto Commander Police Major Sabino Labitad nga gilayong nakaresponde ang Kapulisan apan dali’ng misibat ang mga suspetsado.
“..ang atong mga biktima gikan sa sentrong bahin sa Cagayan de Oro. Pag abot nila sa Puerto diha sa purok 6 nag hunong sila kay mangihi so kalit ra sila gi duolan mao tong nahitabo gyud tong maong insidente. Ilang negosyo ani alahas man..”
Police Station 6 Puerto Commander Police Major Sabino Labitad
Samtang, padayong gilantaw sa otoridad ang CCTV footage sa area aron mapiho ang mga suspek.
SOURCE: SRLIVE
Photo: SR Files
