Panagbangga tali Kia Sorento ug Toyota Revo sa Mastersons Avenue, usa ka retired judge, patay!
PATAY ang usa ka retired Regional Trial Court Judge sa nahitabong panagbangga tali Kia Sorento ug Toyota Revo sa Mastersons Avenue!
Biktima’ng patay nailang si Gael Paderangga Jr., 78-anyos, samtang giila ang driver sa Toyota nga si Joshua Azuela Sr., hingkud ang panuigon ug residente sa Barangay Mambuaya ning ciudad.
Base sa inisyal nga imbestigasyon nga gi-atake sa cardiac arrest ang retired judge hinungdan nga nag-zig-zag ang dagan sa gimanehong sakyanan ug napaingon sa dalan sa Toyota rason nga head-on nga nagbangga.
Naka-angkon og samad ug bun-og sa lawas ang sakay sa Toyota nga gilayong gidala sa balay-tambalanan.
Matud ni Police Station 8 Lumbia Investigator on-case Police Executive Master Sergeant kon PEMS Marlon Mabalos nga dead on arrival ang biktima sa ospital.
“…base atong bangga ganina si Judge Paderangga nga nag drive sa sakyanan nga Kia Sorento nagpaingon kini siya sa Lumbia nga bahin ug kaning Toyota Revo nga gi drivan ni Joshua Azuela Jr. paingon ni siya sa ciudad nga bahin uban kani sa iyang pamilya, pag abot sa Gaisano nga Uptown naka kuan si Judge naka paingon saiyang dalan mao kining hinungdan sa ilang pagka bangga, matud sa hinungdan sa iyang pagkabangga mao pud ang giingon sa iyang mga kabanay nag kuan siya Cardiac Arrest maoy hinungdan nganong napa ingon siya sa pikas nga lane…”
Police Station 8 Lumbia Investigator on-case Police Executive Master Sergeant kon PEMS Marlon Mabalos.
Samtang wala pa’y kasabotan ang duha ka partido.
SOURCE: PI. ALLAN
Photo Source: SRLIVE
