Pagputol sa COBI sa supply sa Bulk water sa COWD ugmang adlawa, dili mahinayon!
DILI mahinayon ang pagputol sa Cagayan de Oro Bulk Water Incorporated kon COBI sa supply sa bulk water sa Cagayan de Oro Water District kon COWD ugmang adlawa!
Human gilugwayan og laing 30 ka adlaw ang deadline sa water disconnection.
Alayon sa hangyo sa Local Water Utilities Administration kon LWUA aron dili maperwisyo ang katawhan.
Base sa negosasyon sa COWD ug COBI karung hapon, nagkauyon ang duha ka partido nga ipadayon ang dispute settlement efforts.
Matud ni COWD General Manager Engr. Antonio Young nga gitakdang ipahigayon ang ikatulong hugna sa negosasyon tali Abril 17-19 aron hisgutan ang pipila ka terms and conditions sa dispute settlement.
“…malipayon kita nga mag pahibalo sa atong mga konsyumante nga katong kaganina namo nga negotiation nga bag-ohay lang gyud nahuman, negotiation with COBI and facilitated by LWUA so naay mga among gi-agreehan nga pangbuhaton ug mubalik kami sa negotiating table napud sa ika-tulo nga bahin next week, between April 17-19 and sila nag ingon nga gi-request man sila sa LWUA nga dili sa i-disconnect kay kamulo naman ang negotiation, unless lugar mag fail ang negotiation so gihangyo sila sa LWUA nga i-extend up to 30 days, so mao na nga malipayon kita magpahibalo nga walay mahitabo nga pagputol ugma sa ilang supply sa tubig kay nakabalik naman kita ug naay agreement ginagmay ug magpadayon kami aron makab-ot nato ang resolution bahin ani atong kasamtangang problema nga atong gi atubang…”
COWD General Manager Engr. Antonio Young
SOURCE: SBPSH
Photo: SR Files
