Mga tinugyanang ahensya, andam na sa pagpang-apod apod og tubig kung putlan sa COBI og water supply ang COWD!

ANDAM ang mga tinugyanang ahensya panahon kung maputlan og water supply ang Cagayan de Oro Water District kon COWD!
Nunot sa gitakdang deadline sa Cagayan de Oro Bulk Water Incorporated kon COBI nga putlan og water supply ang COWD kung dili makabayad sa dul-ag 500-million pesos nga utang karong adlawa.
Matud ni Mayor Rolando “Klarex” Uy nga gimandoan na ang CDRRMD, Bureau of Fire kon BFP ug uban pang ahensya nga makahatud og tubig sa mga affected barangay.

“…tanan naman labi na ang CDRRMD nato ug uban natong mga ahensya sa local nga paggamhanan gipangandaman na nato, manawagan pud ta sa atong mga kahigalaan nga dunay mga water tanker nga ato sang ipagamit o ipahulam, i-distribute nato sa mga katawhan ilabina na sa buhatan sa Bureau of Fire Protection nga nakahibalo pud sila og andam pud sila, ayaw mo kabalaka mga kaigsoonan mag hiusa kita sa pag-ampo…”
Mayor Rolando “Klarex” Uy.

Hisayran nga nagtagbo karong adlawa ang COWD ug COBI aron mahisgutan ang mga sulosyon sa pagsulbad sa problema.

SOURCE: SR LIVE
Photo Source: ROLANDO UY