Mayor Uy, dili motuo nga wala’y kasayoran si former Mayor Moreno, sa kontrobersiya nga kontrata tali COWD ug COBI!

DILI motuo si Mayor Rolando “Klarex” Uy nga wala’y kasayoran si former Mayor Oscar Moreno sa kontrata tali Cagayan de Oro Water District kon COWD ug Cagayan de Oro Bulk Water Incorporated kon COBI!
Matud ni Mayor Uy nga nasayod kini’ng nagpakonsulta ang board of directors sa COWD sa kanhing Mayor una gipirmahan ang kontrata.
Giklaro sa opisyal nga dili kini supak sa bisan-kinsa’ng water supplier sa ciudad, ingon man sa COBI.
Apan, mohangyo kini nga e-rescind o tangtangon ang usbaw sa balayronon sa tubig.
Gipamugos ni Mayor Uy nga kung nasusi ug natun-an pag-ayo sa mga kanhing myembro sa City Council ang kontrata, dili unta magkaproblema.

“..kung unta ang maong kontrata sa COBI ug sa COWD nahibaloan kaniadto sa myembro City Council dili ni mahitabo nga dakong problema. Ang ako wala koy supak sa bisag kinsa nga water supplier sa atong dakbayan mismo sa COBI dili ko mo supak apan tangtangon lang pag usbaw sa balayranon sa tubig nga ako mismo nakita nako ang makaluluoy ang katawhan. Sakit ug bug-at na kaayo kana sa bulsa sa ordinaryo nga katawhan kana ra gyud akong gihangyo kay kung unta dili ko motoo na kanhing mayor walay kasayuran sa maong kontrata tingali iyahang mga board of directors sa wala pay pinermahan konsulta sa mayor kung angayan ba permahan ang kining maong kontrata kini ang usa ka dakong problema sa panubig sa atong dakbayan…”
Mayor Rolando “Klarex” Uy

SOURCE: CIO
Photo:Rappler