Lalaki nga gikan nag-vigil sa Talisayan Misamis Oriental, napunggitan-patay!
PATAY usa ka lalaki human gi-hit and run sa Barangay Mandahilag Talisayan Misamis Oriental kaganihang kadlawon!
Ang biktima nailang si Reynold Sabuero, 34-anyos, residente sa Barangay Macupa Talisayan Misamis Oriental.
Matud ni Talisayan Municipal Police Station Assistant Investigator Police Staff Sergeant Christian Pates nga gikan nag-vigil ang biktima sa higalang namatay apan pag-abot sa lugar kalit gibanggaan samtang nagbaklay sa naghaguros nga wala matumbok nga sakyanan.
Naka-angkon sa grabeng bun-og ug samad sa lawas ang biktima hinungdan sa hinanaling kamatayon.
Padayong gi-ila usab sa kapulisan pinaagi sa CCTV Footage sa lugar ang driver nga misibat sa insidente.
“…katong sakyanan unidentified man to pero accordingly naggikan sa iyahang lane naka tabok sa pikas murag nakatulog siguro maoy hinungdan nga nasapon ang atong biktima nag baklay ra siya. Kalit lang nakita ang sakyanan nga paingon na sa ilang direction mao tong wala na siya nakalikay naigo gyud siya. Gikan to siya nag vigil sa ilang amego, nag uli na sila nag baklay ra sila pag abot nila sa area kalit lang ang sakyanan tabok paingon sa ila diha diha wala na siya kalikay naigo gyud siya. Na injured iyang tiil ug dinhi dapit sa iyang ulo..”
Talisayan Municipal Police Station Assistant Investigator Police Staff Sergeant Christian Pates
SOURCE: PI:7
Photo:Mdrrmo talisayan
