Kaso batok sa amahan nga miluba-patay sa kaugalingong anak sa Barangay Lumbia ning ciudad, gihan-ay na!
GIHAN-ay na ang duha ka kaso batok sa suspek nga miluba-patay sa kaugalingong anak sa Barangay Lumbia ning ciudad!
Matud ni COCPO Spokesperson Police LT. Col. Evan Viñas nga posibleng mapasaka karong hapon sa piskalya ang kasong paricide ug frustrated murder batok sa suspek.
Gipadayag sa opisyal nga nasuta sa inisyal nga imbestigasyon nga depression ang usa sa gitumbok nga anggulo sa pagpangluba sa kaugalingong anak tungod bag-uhay lamang gibulagan sa ka-ipon.
Gipaningkamutan sa kapulisan nga mahatagan og hustisya ang kamatayon sa 2-anyos nga batang lalaki.
“…so ang amahan karon naa sa kostudiya sa Police Station 8, ang tukmang kaso gi-prepare batok sa amahan nga nag kutlo sa kinabuhi sa iyang kaugalingong anak, ang hinungdan niini kining amahan dunay depression kay human sila nagkalalis sa iyang kaipon nag inum sa ilimnong makahubog, dayon pagka hubog sa maong amahan gibit-bit niya ang duha ka bata padulong sa taas, samtang dihas dalan naa may dala niya nga gunting ug kutsilyo mao tong nakasamad sa mga biktima intawon, tukmang selos sa iyang kaipon ang hinungdan sa iyang kasuko…”
COCPO Spokesperson Police LT. Col. Evan Viñas.
SOURCE: PI#7
Photo Source: SRLIVE
