Inside Job, lakip sa gilantaw sa kapulisan sa pagpanulis sa Mindanao Talakag Steel sa Villanueva Misamis Oriental!
GIPALAWMAN sa Kapulisan ang imbestigasyon aron masuta kung inside job ang pagpanulis sa Mindanao Talakag Steel sa Villanueva Misamis Oriental!
Matud ni Misamis Oriental Police Provincial Office Public Information Officer Police Captain Geraldine Botanas nga gipalapdan sa Villanueva MPS ang imbestigasyon human nasuta nga involve na sa robbery kaniatdo ang mga suspek.
Nagpadayon usab ang hot pursuit operation batok mga responsible sa krimen nga gikamatay sa us aka security guard.
Samtang ipasaka na korte ang kasong robbery with homicide ug frustrated homicide batok sa mga suspek aron mahatagan sa hustisya ang kamatayon sa biktima.
“…ato ng i-file sa court ang kasong robbery with homicide ug frustrated homicide so wala pa nako na kuan noh kung pila gyud tanan noh, also naningkamot gyud ang PNP ang Misamis Oriental PPO nga madakpan ang mga suspek ani aron ma-filan na sa kaso, katong isa nga nadakpan kamulo pa ang atong pag dig sa information dili pa nako ma estorya kung inside job or kung unsa ba gyud basta nag padayon ang thorough investigation ana nga kaso…”
MisOr PPO PIO Police Captain Geraldine Botanas.
SOURCE: SHV
Photo Source: SRLIVE
