Giingong pagbabag sa RTA sa proyekto ni Congressman Suan sa Macanhan Barangay Carmen, posible’ng misinterpretation sigun ni RTA Spokesperson Andrade!
DILI makumpirmar ni Roads and Traffic Administration kon RTA Spokesperson James Andrade kung adunay gipadala’ng sulat si Cagayan de Oro 1st District Rep. Lordan Suan sa buhatan!
Kalabot sa giingong pagbabag sa RTA sa proyekto sa Congressman sa Macanhan, Barangay Carmen ning ciudad.
Giklaro sa opisyal nga wala’y proyekto’ng gibabagan ang buhatan Local o National.
Matud ni Andrade nga posible’ng adunay misinterpretation ang ubang contractor kalabot sa requirement nga gihatag sa RTA.
“…wala man gyud tay project ma national man o local nga gi babagan gani lang basin naay misinterpretation ang uban natong contractor regarding sa requirements nga gihatag. Kasagara sa mga project muagi na sa buhatan nato for mga requirements nila o protocol regarding sa proper installation sa mga traffic signs instruction kung unsa ka layo. Pagkakaron dili pa nato ma confirm kay wala pa ta na info aning maong isyu but as of now atong iklaro nga wala tay anything nga gibabagan nga project ma national man o local..”
RTA Spokesperson James Andrade
SOURCE: SBPSH
Photo: SR Files
