Gibana-banang 50-anyos nga lalaki sa Mauswagon Laguindingan, giluthang-patay!
PABILING wala maila ang lalaki nga giluthang-patay sa Purok 1 Mauswagan Laguindingan Misamis Oriental!
Matud ni Laguindingan Municipal Police station Deputy Commander Police Captain Gemini Bagas nga posibleng naka-angkon sa lima ka samad-pinusilan ang gibana-banang 50-anyos nga biktima human napalgan sa crime scene ang lima ka empty shell sa calibre 45 nga armas.
Padayong nakig-koordinar ang kapulisan sa mga residente sa lugar nga posibleng nakasaksi sa krimen aron maila ang patay’ng lawas.
“..wala pagyud namo nakuha ang identity sa maong biktima. Sa initial na investigation sa among investigator naa lang ilang nadunggan ahhh naay ni-paka naay uban na naay uban nga upat ka buto or lima kabuto, tulo kabuto.. Pero wala poy witness nga nakakita sa panghitabo. Naa mi nakuha didto nga lima ka basyo sa bala nga gituohang na mao toy gigamit sa suspetsado. Walay naka-identify kung kinsa bay nakaila aning tawhana, taga-diri ba ning tawhana, ug naa poy kagawad nga miadto nitan-aw pod mismo sa panghitabo. Dili pod niya confirm kung taga asa gyud to na tao…”
Laguindingan Municipal Police station Deputy Commander Police Captain Gemini Bagas
SOURCE: PI#28
Photo: maps
