Tulo ka bata sa Kalilangan, Bukidnon, nalakip sa sunog patay!

NASUNOG-PATAY ang tulo ka bata nga nagpangidaron og 3-anyos ug usa ka tuig sa Barangay Poblacion, Kalilangan Bukidnon!
Human nalakip sa pagkasunog sa usa ka two-storey residential house.
Lakip sa namatay ang duha ka bata’ng lalaki ug usa ka bata’ng babaye.
Gipanag-iyahan ang two-storey residential house sa pamilya’ng Dela Cruz ug gi-abangan kini sa pamilya’ng Reyes.
Base sa inisyal nga imbestigasyon nga nanglaba ang inahan sa mga biktima hinungdan nga gipasaka ang mga bata sa second floor sa panimalay aron magdula.
Apan dili lamang dugay kalit, nga mi-ulbo ang kalayo nga nagsugod sa ikaduhang andana sa panimalay.
Gisulayan sa inahan pagluwas ang mga bata pinaagi sa pagbasa sa kaugalingon ug pagbukot og basa nga habol apan wala nagsilbi tungod sa kadako sa sunog.
Matud ni BFP-Kalilangan Bukidnon Chief Investigator SFO1 Roy Obsioma nga tulo ka anggulo ang gitutukan sa BFP nga hinungdan sa kalayo.

“..bata gipa ligoan sa ilang mama, pag human og ligo gipasaka sa ilang mama didto sa taas, dayun didto sa taas naa ilang lola pagsaka sa mga bata sa taas, ilang lola gapanaog napod, igo ra gikuha ang cellphone then taod-taod naa nay mga kasikas nga naa lagi sunog pagsaka sa lola dadto sa 2nd floor nakita niya na kusog na kaayo ang kalayo, so gihimo sa mama nga kay nang mama laba man tong mama sa ubos human ug kaligo sa bata ang mama nag initiate na basaon niya iyang lawas putos siyag habol na basa pero wala na gyud nila nakaya ang kainit sa kalayo mao tung mama murag wala na siya kalihok so wala gyud niya nakuha ang mga bata didto sa 2nd floor nga dali kaayo mikaylap ang kalayo tungod sa light materials, wooden ang balay, half ang cement sa groundfloor then wood sa 2nd floor. Naami tulo ka angle na among tutukan..”
BFP-Kalilangan Bukidnon Chief Investigator SFO1 Roy Obsioma

Samtang, mikabat sa 182, 250 pesos ang structural damage sa nahitabong sunog.

SOURCE: P.I/#8
Photo: RONIL GABION