Security guard nga mibangga sa konkreto’ng banga sa usa ka subdivision sa Barangay Lumbia, ning ciudad, dead on-arrival!

DEAD on arrival ang usa ka security guard human mibangga sa dako’ng konkreto’ng banga sa center island sa usa ka subdivision,sa Barangay Lumbia ning ciudad!
Biktima nailang si Dindo Avenido Fernando, 39-anyos ug residente sa nahisgutang lugar.
Base sa initial nga imbestigasyon nga mi-overshoot ang gimaneho’ng motorsiklo sa biktima sa center island hinungdan nga na-out balance og mibangga sa konkreto’ng banga.
Naka-angkon og head injury ang biktima hinungdan sa hinanaling kamatayon.
Matud ni COCPO-TEU Investigator Police Chief Master Sergeant Norberto Libres nga dili pa mapiho kung lango sa ilimnong makahubog ang biktima.

“…napakog ang iyang ulo, naay helmet pero kasagara naa nay helmet pero dili isul ob kay kung nasul ob siguro naa pay posibilidad..”
COCPO-TEU Investigator Police Chief Master Sergeant Norberto Libres

Una nang gibutyag nga adunay helmet ang biktima apan wala kini gisul-ob.

SOURCE: P.I/#8
Photo: Dan Dela Victoria