Public Hearing sa pag-repaso sa Executive Order No. 12 Series of 2023, gisugdan na sa Tariff Commission!

GISUGDAN ang public hearing alang sa pag-repaso sa Executive Order No. 12 Series of 2023!
Gibutyag ni National Economic and Development Authority kon NEDA Secretary Arsenio Balisacan nga gimandoan ang Tariff Commission kon TC nga maghimo og open discussion sa mandatory review sa mga stakeholder ug environmentalist nga nagduso nga amendaran ang EO12.
Giklaro sa kalihim nga tumong sa pag-repaso nga mapa-ubsan ang rates sa import duty sa pipila ka electric vehicle, mga parts ug component sulod sa lima ka tuig.
Hisayran nga ubos sa Section 1608 sa Tariff and Customs Code of the Philippines o mas naila isip Flexible Clause, kinahanglang maghimo og public hearing ang TC una magsumiter og rekomendasyon ang NEDA sa Presidente.
Una nang gipamugos sa EV Industry Players nga wala makadawat og detalye sa gipahigayong public hearing sa mandatory review sa EO12.

SOURCE: PHILSTAR
Photo: BusinessWorld Online