Panagbangga tali Motorsiklo ug passenger van sa Taytay El Salvador, kanhi Igpit kapitan patay!
PATAY ang usa ka kanhi Baragay Kapitan human nabangga ang gisakyang motorsiklo sa Taytay El Salvador Misamis Oriental!
Ang kanhi opisyal nailang si Former Barangay Igpit Kapitan Ellezer Bacalarez Sr., residente sa Barangay Barangay Igpit, Opol Misamis Oriental.
Matud ni El Salvador City Police Station Investigator Police Senior Master Sergeant Rodel Lecera nga gikan nag-vigil sa Alubijid Misamis Oriental ang biktima apan pag-abot sa lugar kalit na lamang gitabo ang usa ka passenger van.
Gisulayan pa sa driver sa Van nga si Denise Abasola nga likayan ang motorsiklo apan na-ulahi na ug nabangga na ang motorsiklo sa sakyanan.
Naka-angkon sa grabeng bun-og sa lawas ang kanhi opisyal hinungdan sa kamatayon.
“Mao ni siya sa atong imbestigasyon sa mga tao nga naa didto nag ingon na motorsiklo ang gi drivan ni biktima si Ellezer Bacalarez nagka enclose ngadto sa lane sa passenger van, ang driver sa passenger van naka bantay sa maong motorsiklo padulong sa iyaha so ni action kini og likay. Sa atoang na hibawan gikan kini siya nagduaw sa namatay didto sa Alubijid ug siguro bilar kini siya ug dili lang pud nato ma confirm nga naka inom…”
El Salvador City Police Station Investigator Police Senior Master Sergeant Rodel Lecera
Samtang gi-andam na ang kaso batok sa driver sa van panahon kung dili mag-amicable settlement ang duha ka kampo.
“Kana atong i determine karon kay kagahapon naa sila sa state of shock di pa sila ka decide ana. Sa atong procedure nga negligence sa driver sa passenger van naa siya diri karun sa atoang mga opisina atong gi prepara ang pag file sa kaso”
El Salvador City Police Station Investigator Police Senior Master Sergeant Rodel Lecera
SOURCE: SBPSB
Photo: map
