Pagtugot sa PNP sa mga sibilyan nga magbaton og kaugalingong semi-automatic rifles, gikahadlokan sa usa ka grupo!

GIKAHADLOKAN sa usa ka grupo nga masusama ang Pilipinas sa America diin sagad ang mass shooting, gamit ang tag-as nga kalibre sa armas!
Human gitugutan sa Philippine National Police kon PNP nga makapanag-iya og kaugalingong semi-automatic rifles ang mga sibilyan, nunot sa pag-amyendar sa Implementing Rules and Regulations kon IRR sa Republic Act 10591 o Comprehensive Law and Firearms and Ammunition Regulation Act.
Matud ni Gunless Society of the Philippines President Norman Cabrera nga subo lamang paminawon tungod sa kadaghan sa maayong butang nga mahimong awaton sa America, ang gun culture ang napili sa gobyerno.
Gipamugos ni Cabrera nga ang nahisgutang palisiya interes lamang sa pipila ug dili sa kadaghanan.

“..pwedeng gayahin sa Amerika itong gun culture trying to put this culture in our country. Kung ganitong palisiya ng gobyerno ay malinaw na interes ng iilan kaysa ng karamihan..”
Gunless Society of the Philippines President Norman Cabrera

SOURCE: ABS-CBN NEWS
Photo: Philippine Star