Motorsiklista ug backrider nga nabanggaan sa toyota hi-lux sa Naawan Misamis Oriental, patay!

NABANGGAAN-PATAY ang usa ka motorsiklista ug ang backrider, sa usa ka Toyota hi-lux sa Purok 3, Poblacion, Naawan Misamis Oriental!
Biktima’ng patay giilan’g sila’ng Joepet Mabao, 22-anyos ug residente sa Barangay Bayabas ning ciudad, ug Penny Signawan Kumpasan,ug molupyo sa Talakag Bukidnon.
Base sa initial nga imbestigasyon nga managlahi ang direksyon sa duha ka vehicle apan kalit lamang mi-overtake ang toyota hi-lux hinungdan nga mipaingon sa lane sa motorsiklo ug nabanggaan.
Naka-angkon og grabe’ng bun-og sa lawas ang mga biktima hinungdan sa hinanaling kamatayon.
Matud ni Misamis Oriental Police Provincial Office kon Mis. Or-PPO Information Officer Police Captain Geraldine Butanas nga dead on arrival ang driver sa motorsiklo ug pipila lamang ka oras namatay usab ang backrider.

“…ang pick up gikan sa Iligan padulong sa Cagayan ang kaning naka motor gikan sa Cagayan padulong sa Iligan. Ang vehicle 1 nag overtake didto nakapaingon sa lane sa motor diin bangga niya ang motor. Dead on arrival ning rider then namatay pod iyang back rider..”
Mis. Or-PPO Information Officer Police Captain Geraldine Butanas

Samtang, kasamtangang nakakustodiya ang driver sa hi-lux sa Naawan Municipal Police Station alang sa proper disposition.

SOURCE: SBSPSH
Photo: Robert Losaria