Motorsiklista sa Barangay Mambuaya ning ciudad, mibangga-patay!
MIBANGGA-PATAY ang usa ka motorsiklista sa pick-up truck sa Zone 2 Barangay Mambuaya ning ciudad!
Biktima giilang si Salvador Bacan Sr., 55-anyos, menyo ug residente sa lugar samtang naila ang driver sa pick-up truck nga si Bernard Maagad, 53-anyos, molupyo sa Zone 5 Upper Bulua.
Base sa inisyal nga imbestigasyon nga mihunong ang biktima aron mag-left turn apan wala kini makahulat nga makalahos ang approaching pick-up hinungdan nga mibangga sa sakyanan.
Matud ni COCPO-TEU Investigator Police Chief Master Sergeant Norberto Libres nga gitakda ang panagpulong sa kabanay sa biktima ug ang driver sa pick-up truck karung adlawa.
“…paingon sa south gikan sa sentro kaning pikas gikan Talakag paingon sentro so opposite direction. Kini si Salvador mag left turn sa kalsada padulong sa water rafting nga kalsada. Nakahunong na ang duha ka motor kay mo left turn na paingon nag preparar na. Sa distansiya nakita nila ang Isuzu pick up padulong sa nahimutangan ang nahitabo kining si Bacan imbis muhulat nga makalabay ang pick up milahos na hinuon siya, nag ka apikihan na siguro nagkabangga gyud sila..”
COCPO-TEU Investigator Police Chief Master Sergeant Norberto Libres
SOURCE: #16
Photo: Maps
