Menor de edad nga naligo sa usa ka beach sa El Salvador City, nalumos-patay!

NALUMOS-PATAY ang usa ka menor de edad sa usa ka beach sa Zone 6 Molugan, El Salvador City!
Biktima nailang si Mark Ryan Mainit, 10-anyos ug residente sa Zone 1-B Amoros, El Salvador.
Base sa initial nga imbestigasyon mikuyog ang biktima sa uyo-an sa beach aron maligo.
Mikawas ang uyo-an ug biktima og mipaingon sa daplin sa baybay apan taod-taod nananghid ang bata nga maligo og balik sa dagat.
Apan, kalit lamang mi-report ang laing menor de edad sa uyo-an nga nalumos ang nahisgutang bata.
Gilayong gipangita sa uyo-an ang pag-umangkon ug milungtad og napulo ka minuto una milutaw ang lawas sa biktima.
Gisulayan kini og revived ug gidala sa duol nga lying in clinic sa lugar apan gideklarar kini’ng dead on arrival.
Matud ni El Salvador City Police Station Investigator Police Senior Master Sergeant Rodel Lecera nga gituohang ang pagtaob sa dagat ang hinungdan sa pagkalumos sa bata.

“…nag uban siya sa iyang uyo-an nga maligo, sa atong paghinabi sa iyang uyo-an sa pag imbestiga nato nag sige ni siya og ligo-ligo unya atong orasa nag kaon sila didto sa daplin sa dagat, atong higayona hunas pato unya nananghid nga mobalik og kaligo didto sa dagat ug naay isa ka minor wala lang nato nakuha iyang pangalan, mao iyang kauban unya natingala nalang tong uyo-an nga nag report natong iyang kauban nga nalumos na, ang nahitabo gi-adtoan dayon uban sa mga residente pud, medyo lawom na gyud kay taub natong mga panahuna taub na ang dagat, eventually gidala sa duol nga lying in clinic sa Poblacion and gi declare as dead on arrival sa attending physician…”
El Salvador City Police Station Investigator Police Senior Master Sergeant Rodel Lecera.

SOURCE: P.I/#8
Photo Source: GOOGLE MAPS