Lalaki, nga nakigbinayloay og bala sa mga pulis nga nagpatrolya sa Purok 1 Lumbo, Valencia City Bukidnon, patay!

PATAY ang usa ka lalaki nga nakigbinayloay og bala sa mga pulis nga nagpatrolya sa Purok 1 Lumbo Valencia City Bukidnon!
Matud ni Bukidnon Provincial Police Office Information Officer Police Major Jesselle Longgakit nga nasapon mismo sa mga nagpatrolyang police ang suspek nga gisulayan pag-abli ang nakaparadang sakyanan sa maong lugar.
Hinungdan nga giduolan kini apan kalit na lamang namusil ang 28-anyos nga suspek nga mi-resulta sa armed confrontation.
Misibat gilayon ang suspek gamit ang motorsiklo apan nabangga kini sa usa ka tindahan.

“..atong personahe sa Valencia City police station nag mobile patrolling sa Valera Antonio st. sa Poblacion Valencia City, Bukidnon. Ug ilang nakita ang isa ka na identify nga lalaki nga nakasuot og hooded jacket, black bonnet ug on board sa black yamaha nmax. Kining tawhana nag lili sa mga bintana sa park vehicle niatong lugara. Upon recognizing sa tao kadudahan, immediately iyang gikuha iyang pusil nga naa sa black sling bag tapos gi point sa approach pnp vehicle, gipabuto dayun siya. Ang atong kapulisan mi defense sa ilang kaugalingon, mao katong naay hot pursuit nga nahitabo..”
Bukidnon Provincial Police Office Information Officer Police Major Jesselle Longgakit

Nasuta usab nga gikan sa kawat ang armas nga gihuptan sa suspek human napamatud-ang naka-rehistro sa usa ka negosyante sa lugar ang calibre 45 nga armas nga nakawat niadtong Oktubre sa milabay’ng tuig pinaagi sa paglungkab sa sakyanan sa negosyante.
Samtang migawas sa imbestigasyon nga nag-match ang identity sa suspek sa mga kuha sa CCTV footage sa giilang responsible sa mga insidente sa bukas kotse sa lugar.

“…kaning suspek naa narecover nga 45 type nga pusil. Kaning pusil rehistrado sa 46 years old nga business man, kani nga pusil gibutang sulod sa Ford Ranger nga naka park sa Jesus Garden niadtong October 7, 2023. Ang iyang sakyanan nga raptor naa iyang pusil didto sa sulod ug kato nga sakyanan giguba tapos giguha ang firearm. Kaning suspek ug kaning pusil is gibuak, mahulog siya sa basag kotse. Upon gathering information. nihaom ang identity nga nakasakay og nmax nga naka hood nag co-inside nga mao gyud ni siya..”
Bukidnon Provincial Police Office Information Officer Police Major Jesselle Longgakit

SOURCE: PI #7
Photo:City Disaster Risk Reduction and Management Office Valencia City