Lalaki nga gipusil sa kaugalingong paryente sa Balulang ning ciudad, kritikal!

KRITIKAL ang usa ka lalaki human gipusil sa kaugalingong paryente sa Balulang ning ciudad kaganihang buntag!
Ang 44-anyos nga biktima nailang si Omar Macabago, samtang ang suspek nailang si Moca Macabago nga pulos residente sa Carisna Riverside Balulang.
Matud ni Police Station 4 Carmen Commander Police Major Mario Mantala Jr., nga base sa mga nakasaksi gikan nag-ampo sa mosque ang biktima apan pag-uli sa panimalay kalit lamang gipusil sa suspek gamit ang calibre 45 nga armas.
Naka-angkon sa samad sa ulo ang biktima ug kasamtangang nagpa-alim sa hospital.
Samtang migawas sa imbestigasyon nga aduna’y karaang panaglalis ang duruha tungod sa wala pagsinabtanay sa pagtukod og balay sa gipanag-iyang luna sa biktima.

“…adunay biktima gipusil sa iyang paryente. Nag sustain ang biktima og gun shot wound sa ulo nga area. Kining biktima gikan nag simba sa mosque sa Balulang pag abot kalit lang niduol iyang paryente gipusil ang ulo niini. Dunay panag away regarding sa away sa pagtukod sa balay, dunay threat kagabii nga iyang patyon ang biktima….”
Police Station 4 Carmen Commander Police Major Mario Mantala Jr.

SOURCE: PI#28
Photo:Police Station 4