Laing kumpanya nga maghatag og panubig sa ciudad, dili pa matubag ni Mayor Uy!
GI-angkon ni Mayor Rolando “Klarex” Uy nga dili pa kini makatubag kung aduna’y laing kumpanya nga maghatag og panubig sa ciudad!
Matud ni Mayor Uy nga dili pa masuta tungod wala pa’y findings ang gimugnang Task Force.
Apan gipamugos sa Mayor nga dili kini magduha-duha og pasulod og bag-ong player kung masuta kung aduna’y disadvantageous sa kasamtang nagserbisyo sa panubig.
Samtang subling gi-insister sa Mayor nga dili kini supak sa plano sa COWD nga magpasaka og balayrunon apan angayang sigurohon una ang maayong serbisyo.
“…dili ko katubag pa niana kung naa bay bag-ong player ang mo come-in kay wala pamay findings ang atong gi-create nga task force, kung aduna gyuy makita nga disadvantageous sa katawhan dili gyud ko mag duha-duha pag kuan kay ang ako nag serbisyo ko sa katawhan…, wala ko misupak sa pag increase ang ako lang gihangyo atong tongura ayaw samo pag increase tungod bag-o pata gikan sa COVID ika duha dili ta magpa increase kung dili ma improve ang atong serbisyo sa katawhan…”
Mayor Rolando “Klarex” Uy.
SOURCE: CIO
Photo Source: MINDANAO GOLD STAR
