Kalabira sa usa ka tawo nga napalgan sa barangay Agusan ning ciudad, padayon pang giila!

PADAYON pa’ng giila sa Kapulisan ang napalgan’g kalabira sa usa ka tawo sa Zone 7, Kilibay, Barangay Agusan ning ciudad karon’g hapon!
Base sa initial nga imbestigasyon nga adunay nagreport kanila, nga adunay napalgang kalabira sa usa ka umahan sa lugar.
Gilayon nila kini’ng girespondehan ug nadiskubre sa lugar ang bulag-bulag nga bukog sa usa ka tawo.
Matud ni Police Station 6 Puerto Commander Police Major Sabino Labitad nga posible’ng nahulog ang biktima tungod usa ka pangpang ang lugar.
Hinuon padayon nila’ng palawman ang imbestigasyon.

“…dunay nakaplagan nga bukog sa uma, manuba unta sila’g saging pero wala nadayun tungog sa ilang nakita. Pag abot didto naa gyud sa lugar, nagbulag bulag nani siya lahi lahi nga lugar nakit an siguro tungod sa hayop nga nagbirabira ani niya. Posible nga ang kining tao nahulog gikan sa pangpang pero ato ning palaluman kay naa pay lain hinungdan sa pagka disgrasya aning tao..”
Police Station 6 Puerto Commander Police Major Sabino Labitad

SOURCE: SBSPSH
Photo:Richard Razalo Takindingan