Heightened alert status, i-isa sa PNP karong Palm Sunday!
GITAKDANG i-isa ang heightened alert status sa Philippine National Police kon PNP karong Dominggo o Palm Sunday!
Gibutyag ni PNP Public Information Office Chief Police Col. Jean Fajardo nga pabiling wala’y na-monitor nga bahad sa seguridad ang PNP alang sa nagsingabot nga Semana Santa.
Giklaro sa opisyal nga diskresyon sa mga Police Regional Director kung patas-an sa Full Alert Status ilabina sa mga lugar nga isyu ang seguridad sa katawhan.
Hinuon, gibutyag sa opisyal nga gipahugtan ang koordinasyon sa PNP ug sa kaabag nga law enforcement agency sama sa Armed Forces of the Philippines kon AFP ug Philippine Coast Guard kon PCG.
Samtang mikabat sa 34-mil ka mga pulis ang i-deploy sa mga tourist destination, transport hubs, ug areas of convergence lakip ang simbahan aron masiguro ang seguridad.
SOURCE: PHILSTAR
Photo Source: PHILSTAR
