Basics step sa pagpakgang sa kalayo, kinahanglang mahibaloan sa katawhan!
KINAHANGLANG aduna’y kahibalo ang katawhan sa mga basic step sa pagpakgang sa kalayo!
Kini ang nahimong pamahayag ni Bureau of Fire Protection kon BFP-10 Regional Director Fire Chief Superintendent Alma Abacahin atol sa Fire prevention Month 2024 Kick-off ceremony nga aduna’y tema nga “ Sa pag-iwas sa Sunog, Hindi ka nag-iisa.”
Matud ni Director Abacahin nga kinahanglang mag-una sa mga residente ang pagpakgang sa kalayo aron dili modako og makahatag og dakong kadaot.
Giklaro sa opisyal nga mahinungdanong makatawag gilayon sa Bombero ang katawhan panahon kung adunay sunog.
“…ang atong sunog paspas kaayo mukaon og mga butang sa ma sa kabalayan, atoang mga gamit. Abtik nga pagtawag sa bombero, atong gi orasan nga maka responde ta sulod sa 7 ka minuto. Sa 7 ka minuto masalba pa atong panimalay labi na ang myembro sa pamilya. Og mulagpas lisod na kaayo palungon. Ang mga katilingban naa untay kahibalo sa atong first response sa ing ani nga panghitabo…”
BFP-10 Regional Director Fire Chief Superintendent Alma Abacahin
SOURCE: SR LIVE
Photo: SR Files
