37-anyos nga babaye sa Barangay 23 ning ciudad, gipusil-patay!

GIPUSIL-PATAY sa wala mailang responsable ang usa ka babaye sa Corrales Extension, Barangay 23 ning ciudad!
Biktima giilan’g si Lenny Tangga, 37-anyos, adunay ka live-in partner ug mga anak.
Base sa initial nga imbestigasyon nga sakay sa motorsiklo ang suspek ug giingon’g nag-inquire kini og boarding house sa biktima apan kalit lamang kini’ng gipusil.
Matud ni Police Station 5 Macabalan Commander Police Major Rutherford Ondin nga padayon nila’ng gipalawman ang imbestigasyon hinungdan nga dili pa nila mapiho ang motibo sa pagpamusil.

“…actually nag conduct patag lawom nga imbestigasyon, actually ga conduct pud tag mga checkpoints karon noh gipa alerto na tanan atong mga boundaries regarding sa katong ga motor, hopefully ma intercept siya…”
Police Station 5 Macabalan Commander Police Major Rutherford Ondin.

Samtang, gibutyag ni Rudy Robles, live-in partner sa biktima nga nahinabi sa common-wife ang suspek ug giingong misulti kini nga taga Surigao ug nangita’g boarding house tungod nagtrabaho ang asawa sa usa ka dakong mall ning ciudad.
Hinungdan nga gipasagdan ang live-in partner nga mi-entertain sa suspek ug misulod sa lawak apan dili lamang dugay nakadungog kini og hinay nga buto.
Gilayon nila kini’ng gisuta ug nakita na lamang nga nagbuy-od ang asawa nga nabulit sa kaugalingong dugo daplin sa dalan.

“…taga Surigao siya paghuman nangita siyag boarding house kay iyang asawa nag trabaho sa Gaisano, karon ako lang gi-byaan kay naa raman sila sa taas nag storya-storya sa hagdanan ni sulod kos kwarto, taud-taud naay buto mga 10 minutes bato…”
Rudy Robles, live-in partner sa biktima.

SOURCE: SRLIVE
Photo Source: SRLIVE