Zookeeper sa Nigerian University gi-atake sa leon, patay!
GIPATAY sa usa ka leon ang zookeeper sa Nigerian university!
Gi-atake ang zookeeper samtang nagpakaon sa mga binuhing leon sa unibersidad.
Wala kini naluwas sa mga kauban tungod sa ka-agresibo sa leon.
Matud ni University Spokesperson Abiodun Olarewaju nga ang biktima na ang nag-atiman sa nahisgutang mga lion sukad kini natawo sa campus, siyam (9) ka tuig ang milabay.
Apan, subo lamang paminawon nga gipatay ang biktima sa nasangpit nga hayop.
Samtang, gimando ni University Vice Chancellor Prof. Adebayo Simeon Bamire ang pag-imbestigar sa insidente.
Una nang gibutyag nga giingong “human error” ang nahitabo human nalimot ang zookeeper sa pag-lock sa pultahan human nagpakaon sa mga lion.
SOURCE: BBC NEWS
Photo Source: The Guardian Nigeria
