Wingvan nga nawad-an og break samtang naglatas sa Palacapao, Quezon Bukidnon, driver og pahinante patay!

PATAY ang usa ka pahenante ug driver sa usa ka wingvan human nawad-an og break ang gisakyan sa Purok 5 Palacapao, Quezon Bukidnon!
Naila ang driver nga si John Mark Villaces 31-anyos ug ang pahinante nga si Lord Nunez nga pulos residente sa Davao City.
Matud ni Quezon Municipal Police Station Traffic Investigator Police Staff Sergeant Calvin Rey Basao nga base sa paghinabi sa laing survivor nga pahinante nga si Eric Gumba nga nawad-an og break ang wingvan hinungdan nga gisulayan pa sa driver sa pagpahunong apan milahos kini sa kilid sa dalan ug nasangit sa usa ka dakong punuan sa kahoy.
Dead on the Spot ang mga biktima human naka-angkon og grabeng bun-og sa lawas tungod sa pagka-ipit sa sakyanan.

SOURCE: SRLIVE
Photo Source: Quezon Municipal Police Station