Usa ka trisikad driver sa Capt. Vicente Roa St., Barangay 30 ning ciudad, gidunggab-patay!
DEAD on arrival ang usa ka trisikad driver nga gidunggab sa Capt. Vicente Roa St. Barangay 30 ning ciudad!
Biktima nailang si Jeffrey Romero , 50-anyos ug residente Zone 7 FS Catanico, samtang giila ang suspek nga si Edwin Dilman, 39-anyos, trisikad driver ug molupyo sa Talakag, Bukidnon.
Base sa initial nga imbestigasyon giingong nag-inom ang biktima ug suspek una natigayon ang insidente.
Gibutyag usab nga nagnilakgana’y ang suspek ug biktima una ang pagpangluba
Gituohang “grudges” ang motibo sa suspek sa pagdunggab-patay sa biktima tungod giingong aduna sila’y daan nga panagbingkil.
Naka-angkon ang biktima og tulo ka samad-dinunggaban sa lawas nga miresulta sa hinanaling kamatayon.
Matud ni Police Station 2 Cogon Commander Police Captain Abdulcajar Armama nga sundang ang gigamit sa suspek nga hinagiban.
“..nag inom pani sila daan siguro naay daan kabikil naa gyud siya’y dumot nahigaom..”
Police Station 2 Cogon Commander Police Captain Abdulcajar Armama
Samtang nadakpan na ang suspek pinaagi sa gipahigayong hot-pursuit operation sa Kapulisan.
Base sa pamahayag sa suspek nga giingong gibunalan kini sa biktima og tubo hinungdan nga nabuhat ang krimen.
Gihimakak usab sa suspek nga giingong aduna sila’y panagbingkil sa biktima.
“..tingala ko kalit niduol siya iya kong gi aksyunan og bunal atong tubo. Gi istoryahan nako ngano bunalan man ko nimog tubo nga wala man koy sala sa imo ana siya ‘lain kaayo ka ba paras kaayo ka tan awon’ ana ko nga wala man ko nanghinambog. Dawbi kay gibalikan man ko niya bunlot nako ang kutsilyo diretso kay naa sa atop nakabutang ang kutsilyo gyud, iya man kong patyon edi depensa sa kaugalingon..”
Ang tipik sa pamahayag sa suspek nga si Edwin Dalman
Hisayran nga kanhi nang napriso ang suspek tungod sa kasong frustrated murder.
SOURCE: SRLIVE
Photo: SR Files
