Usa ka lalaki nga bag-ong nakagawas sa prisohan sa Upper Ramonal Barangay Camaman-an ning ciudad, gipusil-patay!
GIPUSIL-PATAY ang usa ka lalaki’ng bag-ong nakagawas sa prisohan sa Upper Ramonal, Barangay Camaman-an ning ciudad kaganihang kadlawon!
Biktima giilang si Jelly Mintang Quiño, watch repair man, hingkud ang panuigon ug residente sa nahisgutang lugar.
Base sa initial nga imbestigasyon nga pugsanong gisulod sa suspek ang panimalay sa biktima ug gipusil samtang natulog.
Gilayong misibat ang suspek sa wala mapihong direksyon.
Naka-angkon og duha ka samad-pinusilan sa likod nga bahin sa ulo ang biktima nga hinungdan sa hinanaling kamatayon.
Nakarekober usab ang otoridad og usa ka fired cartridge case ug fired bullet sa crime scene.
Matud ni Police Station 2 Cogon Investigator Police Master Sergeant Ian Zafra nga giingong bag-ohay lamang nakagawas ang biktima sa prisohan apan beripikahon pa sa otoridad kung kaso’ng murder o homicide.
Padayon usab nga imbestigaran sa otoridad ang motibo sa pagpangluthang.
“..kaning suspetsado nga lalaki pwersadong misulod sa iyang balay ug gipusil kaning biktima samtang natulog kini. Ang biktima nakaangkon og 2 ka samad pinusilan sa iyang likod nga bahin…”
Police Station 2 Cogon Investigator Police Master Sergeant Ian Zafra
SOURCE: SRLIVE
Photo: SR Files
