Panagbangga tali motorsiklo ug truck sa El Salvador City, duha patay.

PATAY ang duha ka sakay sa motorsiklo nga Rusi human nabangga sa Shacman Truck sa Zone-2 Molugan, El Salvador City!
Naila ang mga biktima nga si Joemar Neri Ragmac, 25-anyos, usa ka security guard, ug ang backrider nga si Lawrence Borres, 20-anyos, susamang nagpuyo sa Zone-4, Loguilo, Alubijid, Misamis Oriental.
Samtang naila ang driver sa truck nga si Leonardo Aboy Solde, 46-anyos, menyo, ug residente sa Initao, Misamis Oriental.
Base sa initial nga imbestigasyon nga gikan sa discohan ang mga biktima ug giingong langgo sa ilimong makahubog, pag-abot sa nahitaboan sa insidente nag-zigzag ang dinaganan sa gisakyang motorsiklo hinungdan nga napaingon sa direksyon sa truck nga miresulta sa panagbangga.
Matud ni El Salvador City Police Station Traffic Investigator Police Corporal Arnaldo Galagnara Jr. nga nakakustodiya sa El Salvador City Police Station ang driver sa truck.

“…regarding sa vehicular incident nga nag transpired sa Zone-2 Molugan, El Salvador City national highway involving sa vehicle 1 Rusi motorcycle base sa among initial investigation nga nakalap base sa mga witness nga among na storya didto nga kining involved vehicles were heading same direction going to Cagayan de Oro City tapos kaning vehicle 1 kaning motorsiklo nag-agi sa 2nd lane ug kaning vehicle 2 truck nag-agi sa 1st inner lane dayon base sa nakakita ang motorsiklo nag swerving na og dagan mao tong pag abot sa unahan ni swerve siya sa truck mao tong wala gyud damha nga didto siya napaingon sa right-side bumper sa truck sila nabunggo ug nakabsan sa kinabuhi ang duha ka tao…”
El Salvador City Police Station Traffic Investigator Police Corporal Arnaldo Galagnara Jr.

SOURCE: #16
Photo Source: El Salvador CPS