Pagpamusil nga nahitabo sulod sa simbahan sa Houston, United States, suspek-patay!
PATAY ang usa ka babaye’ng suspek ug laing duha samaran sa Osteen Lakewood Church sa Houston United States!
Human nagpabuto og armas ang nasangpit nga babaye sulod sa simbahan.
Matud ni Police Chief Troy Finner nga misulod ang suspek sa simbahan uban ang usa ka bata’ng lalaki nga gituohang nagpangidaron og 5-anyos ug gisugdan ang pagpamusil.
Gilayong nakaresponde ang duha ka off-duty law enforcement officers nga ana-a sa simbahan ug gipusil ang nasangpit nga suspek.
Gibutyag nga kritikal ang kahimtang sa bata’ng lalaki.
Hisayran nga dala sa babaye ang “long rifle” ug backpack ug nagsul-ob og trench coat.
Samtang, wala gibutyag sa otoridad ang identity sa suspek ug padayong gi-imbestigaran ang motibo sa pagpamusil.
SOURCE: NBC NEWS
Photo:Houston Public Media
