Pagpalapad sa Programang Rice Competitiveness Enhancement Fund, gilaraw sa usa ka Senador!

GILARAW ni Senate Committee on Agriculture and Food Chair Senator Cynthia Villar nga palapdan ang programang Rice Competitiveness Enhancement Fund kon RCEF sa Department of Agriculture kon DA!
Gibuyag ni Senator Villar nga buot niining magduso og sugyot nga ma-renew ang programa ug mapalambo ang kinita-an sa mga mag-uuma.
Samtang gipadayag sa Senador nga sa milabay’ng dry season misaka ang abot sa mga local farmer sa 4.36 tons per hectare sa 2023 itandi sa 3.63 tons per hectare sa 2019.
Hisayran nga si Villar ang principal author ug proponent sa Rice Tarrification Law o Republic Act 11203 nga nagmugna og Rice Competitiveness Enhancement Funds nga nagtinguhang matabangan ang mga mag-uumang Pinoy nga makig-kompetensya sa silingang nasud pinaagi sa mechanization Program ug paggahin og certified inbred seeds.

SOURCE: SMNI
Photo:Department of Agriculture