Pagpahigayon og Satellite registration, gipalapdan sa City Comelec Office 1st District.
GIPALAPDAN sa City Comelec Office 1st District ang pagpahigayon og Satellite registration!
Matud ni 1st District City Comelec Officer Atty. Dexter Nagtalon nga sugdan ang Satellite registration sa Barangay Mambuaya karong Pebrero 24, sundan gilayon sa Barangay Canitoan sa Marso 2, Barangay Pagatpat sa Marso 9 ug Barangay Iponan karong Marso 16 ning tuiga.
Giklaro sa opisyal nga tumong sa komisyon nga ma-cater ang tanan aplikante aron makasalmot kini sa nagsingabot nga pili-ay.
“…naa tay satellite registration sa nasangpit nga Barangay mag sugod sa Mambuaya karong Pebrero 24, ug sa Canitoan Marso 2, basta weekend lang ta noh tanan transaction atong dawaton ani apil ang registration, transfer, kung naa man gali reactivation, ug correction of entry atong dawaton tanan so ato lang kinahanglanon is proof of address lang, sa mga bag-o magpa rehistro ilahang Birth Certificate nga nagpakita nga 18 years old na sila, ug sa uban nga mga correction ilang mga Marriage Certificate kung minyo na from single to married, kung naay nasayop ang ngalan ilang Birth Certificate or Baptismal Certificate anything nga maka prove nga sila to nga tao ug nganong gusto sila mag ilis o mag correct sila…”
1st District City Comelec Officer Atty. Dexter Nagtalon.
SOURCE: PI#7
Photo Source: Comelec CDO City 1st District
