Pagkuyanap sa giingong off-label practice sa pipila ka doctor sa Pilipinas, gikabalak-an sa FDA.

GIKABALAK-AN sa Food and Drug Administration kon FDA ang posible’ng pagkuyanap sa off-label practice o pagreseta og tambal nga dili aprobado o dili haum sa nahisgutang balatian !
Sama sa pagreseta og tambal nga ginagamit alang sa pagpaputi sa panit sa mga tawo’ng naghambin og diabetes.
Matud ni FDA Director General Dr. Samuel Zacate nga makonsiderar kini’ng medical malpractice apan dili mapahamtangan og silot ang mga malambigit tungod wala pa’y balaod sa Pilipinas sa nahisgutang sala.
Una nang nagpasidaan si DOH Secretary Dr. Ted Herbosa kalabot sa delikado’ng epekto sa paggamit sa intravenous glutathione nga sagad gamiton sa mga kababayen-an alang sa pagpaputi tungod dili aprobado sa FDA.

SOURCE: UNTV
Photo Source: STAT NEWS