Paghatag og 500 pesos discount sa mga senior citizens ug mga PWDs sa mga grocery store, gipa-paspasan ni House Speaker Romualdez!
GIPA-paspasan ni House Speaker Ferdinand Martin Romualdez ang 500 pesos discount sa mga senior citizens ug mga persons with disability kon PWDs sa mga grocery store ug supermarkets!
Human nagsumiter og sugyot si House Committee on Ways and Means Chair Bicol Representative Joey Salceda nga himuong 125 pesos matag semana o 500 per month ang discount sa mga hamtong.
Sa kasamtangang anaa sa 65 pesos matag semana lamang ang discount sa seniors ug PWDs o 260 pesos matag bulan sa gipalit nga grocery items.
Giklaro sa magbabalaod nga mahimo kining ipatuman sunod bulan tungod usa ka memorandum circular lamang ang kinahanglanon sa Department of Trade and Industry kon DTI aron imando sa tanang grocery stores ug supermarkets sa nasud.
Samtang gibutyag ni DTI Assistant Secretary Amanda Nograles nga gihan-ay na sa Inter-Agency Committee Circular aron mapatuman ang maong sugyot.
SOURCE: PHILSTAR
Photo: Supermarket News
