Pagbutang sa pansayan o portalet sa tulay sa Barangay Macasandig, giduso ni Councilor Judith sa konseho!

GIDUSO ni Councilor Atty. James Judith sa konseho nga mabutangan og pansayan o portalet ang tulay sa Barangay Macasandig!
Human gihimong night cafe sa Barangay matag Miyerkules, Biyernes ug Sabado.
Matud ni Councilor Judith nga dugay nang problema sa lugar ang pansayan tungod maglisod ang mga dumuduong ilabina ang mga kababain-an panahon kung mogamit og Comfort Room.
Gitin-aw sa konsehal nga temporary lamang hangtud dili mahuman ang isyu sa road right of way sa barangay.

“..problema gyud sa pansayan, ok lang kanamo mga lalaki kay pwede raman magdagandagan didto sa kalibunan o di kaya munaog sa ubos sa suba. Ang problema sa atong mga kababain-an kung asa sila ipa adto kay wa may pansayan so mag problema sila og pagtubag sa ilang personal nga panginahanglan. Makig alayon sa Barangay Macasandig para sa pagbutang og pansayan o portalet..”
Councilor Atty. James Judith

SOURCE: SR LIVE
Photo:Project LUPAD