Motibo sa pagpatay sa usa ka negosyante nga napalgan sa Casisang Malaybalay City Bukidnon, giingong business rivalry.
BUSINESS rivalry ang usa sa gitutokan anggolo sa pagpatay sa usa ka negosyante nga napalgan sa Purok 25, Casisang Malaybalay City Bukidnon!
Ang biktima nailang si Otter Ampong Tumpar, 36-anyos ug residente sa Sitio Punod Amai Malabilang Lanao del Sur.
Matud ni Malaybalay City Police Office Police Executive Master Sergeant kon PEMS Alexander Calma nga naka-angkon ug upat ka samad pinusilan ang biktima sa lawas gamit ang calibre 45 nga armas.
Giklaro sa opisyal nga padayong gilakag sa kapulisan ang duha ka canvasser nga mao’y naka-uban sa biktima sa wala pa ang insidente.
Hisayran nga gikan nagkuha og salapi ang biktima aron ipabayad sa mga gikumpra nga luy-a uban ang duha ka canvasser dihang natigayon ang insidente.
“…kamulo na ang atong investigator on case uban sa atong mga personahe sa atong intellegence unit nato sa ciudad sa Malaybalay ang update nato ana naa natay person of interest pero dili pa nato mabutyag sa kahanginan tungod kay kamulo pa atong case build-up para ma-file nato ang kaukulang kaso sa responsabli sa pagkamatay sa maong biktima, ang maong biktima nato usa ni siya ka komprador sa negosyo niya nga luy-a, ang atong gitotokan karon nga motibo mao ning rivalry sa negosyo kaning atong biktima ni asenso ni siya pinaagi sa iyang negosyo ug kaning iyang mga canvasser mao ni atong gipatawag karon iyang mga canvasser tungod kay sila man ang nag uban sa maong panghitabo, atong gitan-aw kay accordingly base sa atong initial nga pag-susi sa panghitabo kaning biktima nato gikan ni siya sa Palawan Pawnshop nag remit sa kwarta nga ibayaray sa luy-a…”
Malaybalay City Police Office PEMS Alexander Calma.
SOURCE: PI#7
Photo Source: Malaybalay City Police Station
