Lalaki’ng laborer sa Macapaya, Barangay Camaman-an ning ciudad, gipusil-patay.
GIPUSIL-PATAY ang usa ka lalaki’ng laborer sa Sitio Macapaya, Barangay Camaman-an ning ciudad!
Biktima giilang si Angelo Elola, 20-anyos ug residente sa Barangay Indahag.
Base sa initial nga imbestigasyon nga napalgan ang biktima nga nagkulob nga wala’y kinabuhi ilawom sa gibantayan nga panimalay.
Naka-angkon og unom ka samad-pinusilan ang biktima sa nagkalain-laing parti sa lawas hinungdan sa hinanaling kamatayon.
Giingong calibre 45 ug 22 ang gigamit nga armas sa suspek.
Narekober sa crime scene ang pito ka empty shells ug gituohang shabu.
Matud ni Police Station 2 Cogon Commander Police Captain Abdulcajar Armama nga giingong ang amo sa biktima ang suspek sa pagpamusil.
Gibutyag usab ni Armama nga adunay record ang suspek sa ilang buhatan.
Padayon usab nga imbestigaran sa otoridad ang motibo sa responsable sa pagpamusil.
“…ang atong biktima is naigo man gyud ni siya sa 6 ka bala sa bahin sa iyang lawas ug ang pinaka fatal is ang dapit sa ulo ang atong initial palang is calibre 45 ug 22, sa pagka karon is atong narecover pa is 7 pero ang naigo sa iyang lawas is 6, bali kani siya nana man pud siyay record sa atoa hopefully nga ma-successful ang atoang operation…”
Police Station 2 Cogon Commander Police Captain Abdulcajar Armama.
Samtang, nagpadayon ang hot pursuit operation sa Kapulisan batok sa suspek.
SOURCE: SRLIVE
Photo Source: SRLIVE
