Lalaki nga na-anod sa sapa sa Barangay Kibanban Balingagsag Misamis Oriental, napalgan-patay!
NAPALGANG-Patay ang usa ka lalaki human na-anod sa sapa sa Sitio Kiwali, Barangay Kibanban Balingagsag Misamis Oriental kaganihang buntag!
Ang 45-anyos nga biktima nailang si Cheker Dajao, residente sa nahisgutang lugar.
Matud ni Balingasag Municipal Police Station Traffic Investigator Police Staff Sergeant Robert John Galdo nga patabok unta ang biktima kagabii uban ang kapikas ug anak apan nadigyas kini tungod sa Kabul-og sa tubig.
Gisulayan pa pagpangita ang biktima sa kapulisan ug Barangay Disaster Risk Reduction and Management team apan pakyas kini tungod sa kadako sa tubig ug ngit-ngit sa lugar.
Giklaro sa opisyal nga patay nang nakita kaganihang buntag ang lawas sa biktima sa susamang lugar.
“…according sa iyang asawa uban sila ani, uban sila sa pagtabok sa sapa kay ilang farm is tabok man sa sapa, sa pagtabok nila wala nila nabantayan nga nadigyas ang biktima unya pagka digyas naanud siya kay mikalit lang og saka ang tubig tungod guro sa ulan-ulan, nawala siya alas 6 sa gabii alas 6 pud siya nakita gihapon…”
Balingasag Municipal Police Station Investigator Police Staff Sergeant Robert John Galdo.
SOURCE: PI#7
Photo Source: GOOGLE MAPS
