Lalaki nga gipusil sa Lantapan Bukidnon, patay!
PATAY ang usa ka lalaki human gipusil sa wala mailang responsable sa Zone 1 Bugcaon Lantapan Bukidnon!
Ang biktima nailang si Albert Macarimbang Nara, 38-anyos residente sa Zone Bugcaon Lantapan Bukidnon.
Matud ni Lantapan Municipal Police Station Assistant Investigator Police Staff Sergeant Denver Cejas nga padulong unta sa trabaho-an ang biktima apan pag-abot sa lugar kalit na lamang kini gipusil sa duha ka higayon sa wala mailang suspek.
Naka-angkon sa samad-pinusilan sa likod ug paa nga bahin ang biktima hinungdan sa hinanaling kamatayon.
Gipadayag sa opisyal nga base sa statement sa kapikas sa biktima nga wala’y kabingkil si Albert sa wala pa ang insident.
Sa karon padayong gi-imbestigaran sa kapulisan ang motibo sa pagpatay sa biktima.
“..gipusil ang tao, lifeless na ang maong tao. Paingon siya sa iyang trabaho gikan sa iyang balay dayun diha nahitabo sa zone 1 gipusil siya sa wala pa mailhing suspect. Wala siyay nakaaway sa pagkakaron wala pa na determine ang motibo sa pagpatay sa iyaha..”
Lantapan Municipal Police Station Assistant Investigator Police Staff Sergeant Denver Cejas
SOURCE: SBPSH
Photo:Wikipedia
