Ihap sa patay sa landslide sa Maco, Davao de Oro, padayong misaka!
MISAKA na sa 68 ka tawo ang kumpirmadong patay sa landslide sa Maco, Davao de Oro samtang 51 ka indibidwal ang pabiling missing!
Matud ni Davao de Oro Governor Dorothy Montejo nga gawas sa namatay laing 32 usab ang samaran.
Nagpadayon ang pagpangita ug retrieval operation sa Ground Zero apan pabiling hagit ang pag-ila sa mga biktima.
Hisayran nga pinakadaghan’g patay naggikan sa duha ka bus nga aduna’y sakay nga mga empleyado sa usa ka mining company.
Kasamtangang nangita ang mga opisyal sa probinsya og mga lugar nga temporaryong kapuy-an sa mga apektadong residente.
SOURCE: ABSCBN
Photo: Rappler
